علاش كايصلي المسيحي؟ واش الصلاة غير فالأزمات؟ شنو الفرق بين الصلاة العادية والصلاة الحقيقية؟
الصلاة فالمسيحية ماشي غير طقوس ولا كلمات نحفظوها ونكرّروها، ولكن هي علاقة حيّة بين الإنسان والله. هي النفس الروحي ديال المؤمن، الطريقة لي كايقدر يهضر بيها مع الله، يشكي ليه، يفرح معاه، ويطلب منو القوة والحكمة. إذن، كيفاش كايكون مفهوم الصلاة فالإيمان المسيحي؟

الصلاة: حوار مع الله
فالمسيحية، الصلاة مشي مجرد طلبات ولا فرض، ولكن هي حوار حيّ مع الله. بحال شي ولد كايهضر مع باباه بكل حب وثقة. المسيح علّمنا بلي الله كايعتبرنا ولادو، وكيحب يسمع صوتنا، كيف ما قال:
“وَمَتَى صَلَّيْتَ، فَادْخُلْ إِلَى مِخْدَعِكَ وَأَغْلِقْ بَابَكَ، وَصَلِّ إِلَى أَبِيكَ الَّذِي فِي الْخَفَاءِ” (متى 6: 6).

يعني، الصلاة ماشي استعراض قدام الناس، ولكن لقاء خاص بينك وبين الله.